ଯୁଗ ଯୁଗ ପାଇଁ ତୁମ ଜଗତିରେ
🎂🎂🎂🎂🎂🎂🎂🎂🎂
ଜୀବନ ଦେଇଛି ଯେତେ ରଙ୍ଗ ଆଣି
ସବୁଯାଏ ଫିକା ହୋଇ
ସତେକି ରଙ୍ଗର ଅସୀମ ବିଭବ
ରହିଅଛି ଦୂରୁ ଚାହିଁ !
ଆସେକି ଶୂନ୍ୟରୁ ଡାକ
ଶୁନ୍ୟବାସୀ କିଏ ଉଭା ହୋଇଛନ୍ତି
ଶୂନ୍ୟ ଖାଲି ଶୂନ୍ୟାଲୋକ ।
ଆକାଶେ କି ସତେ ଅଲେଖ ଅଦେହୀ
ଶୂନ୍ୟ ଦେହେଛନ୍ତି ରହି
ରୋମାଂଚିତ ହୁଏ ସର୍ବ ତନୁ ମନ
ଅନ୍ତରୁ କେ ଦେହେ କହି ;
ଆତ୍ମାରେ ଆତ୍ମାରେ ରହିଅଛି ମୁହିଁ
ସର୍ବ ଘଟେ ମୋର ସତ୍ତା
ସେଥିପାଇଁ ମୋତେ ଜଗତ କହୁଛି
ପରଂବ୍ରହ୍ମ ପରମାତ୍ମା ।
ନୟନ ପଲକେ ଦେଖଇ ଜଗତେ
ଉଭା ହୋଇଛନ୍ତି ଜଣେ
ସେତ ଶୂନ୍ୟଦେହୀ ଅଲେଖ ପୁରୁଷ
ନିର୍ବାକ ଜଗତ କ୍ଷଣେ ;
ସିଏତ ଅରୂପ ଅନାଦି ଅନନ୍ତ
ପରଂବ୍ରହ୍ମ ସନାତନ
ଯେଉଁଠାରେ ଦିନେ ଦେହ ମୋହ ଛାଡି
ଆତ୍ମା ହୋଇଯାଏ ଲୀନ ।
ହେ ଆତ୍ମା ପୁରୁଷ ! ହେ ପରମାତ୍ମା !!
ଦେବ ଯଦି ତୁମେ ଦିଅ
ତୁମରି ରଙ୍ଗର ଅସୀମ ବିଭବ
ସବୁ ଦୁଃଖ ଦୈନ୍ୟ ନିଅ ;
ଏ ଧରା ଧାମରେ ସବୁଦିନପାଇଁ
ପାପ ପୁଣ୍ୟ ଏକ ହେଉ
ଯୁଗ ଯୁଗ ପାଇଁ ତୁମ ଜଗତିରେ
ମହିମା ମହତ୍ତ୍ଵ ଥାଉ ।
No comments:
Post a Comment