ପର ସ୍ୱାର୍ଥ ପାଇଁ ଯିଏ ପରମାର୍ଥ
ନିଜକଥା କେବେ ଭାବଇ ନାହିଁ
ଖଟି ଖଟି ଯା'ର ଜୀବନ ଯାଉଛି
ଏପରି ମଣିଷ ଦେଖିଛ କାହିଁ ?
ନିଜକଥା କେବେ ଭାବଇ ନାହିଁ
ଖଟି ଖଟି ଯା'ର ଜୀବନ ଯାଉଛି
ଏପରି ମଣିଷ ଦେଖିଛ କାହିଁ ?
ଆପଣା ମଣିଷ ହୋଇଯାଏ ପର
ଛାଡି ଚାଲିଗଲେ ନିଜର ଘର
ନିଜର ଦୁନିଆ ବୁଝିଥାଏ ଯିଏ
ସିଏ କି ନିଜକୁ କରିବ ପର !
ଛାଡି ଚାଲିଗଲେ ନିଜର ଘର
ନିଜର ଦୁନିଆ ବୁଝିଥାଏ ଯିଏ
ସିଏ କି ନିଜକୁ କରିବ ପର !
ଦି 'ଦିନ ଜୀବନ ଯାଉଅଛି ସରି
ଜୀବନ ଯମୁନା ଯାଉଛି ଶୁଖି
ସମୟ ସ୍ରୋତର ଉଜାଣି ଢେଉରେ
ଦୁଃଖୀ ଜନ କ'ଣ ହେଲେଣି ସୁଖୀ !
ଜୀବନ ଯମୁନା ଯାଉଛି ଶୁଖି
ସମୟ ସ୍ରୋତର ଉଜାଣି ଢେଉରେ
ଦୁଃଖୀ ଜନ କ'ଣ ହେଲେଣି ସୁଖୀ !
ଯା' ପାଇଁ ବେଦନା ଯା' ପାଇଁ ଶୋଚନା
ସିଏତ ଜୀବନ ମରଣ ପ୍ରୀତି
ଫୁଲ ଫଗୁଣର ମଣିଷ ପାଇଁ କି
ନାହିଁ କି ମନରେ ଟିକିଏ ଭୀତି !
ସିଏତ ଜୀବନ ମରଣ ପ୍ରୀତି
ଫୁଲ ଫଗୁଣର ମଣିଷ ପାଇଁ କି
ନାହିଁ କି ମନରେ ଟିକିଏ ଭୀତି !
ମଣିଷ ଖୋଜୁଛି ଜୀବନର ରାହା
କିଏ ସେ କିପରି ହେବାକୁ ସାହା
ରଥେ ବସିଛନ୍ତି ବିଶ୍ୱ ମହାରଥୀ
ପ୍ରସାରିତ କରି ତାଙ୍କର ବାହା ।
କିଏ ସେ କିପରି ହେବାକୁ ସାହା
ରଥେ ବସିଛନ୍ତି ବିଶ୍ୱ ମହାରଥୀ
ପ୍ରସାରିତ କରି ତାଙ୍କର ବାହା ।
ହିସାବ ନିକାଶ ସରିବ ଯେ ଦିନ
ନେଇ ଯିବେ ପାଶେ ନାଟକ ଶେଷେ
ଘରକୁ ବାହୁଡା ହେବ ସେହିଦିନ
ରଥ ଚାଲିଯିବ ରଥୀର ଦେଶେ ।
ନେଇ ଯିବେ ପାଶେ ନାଟକ ଶେଷେ
ଘରକୁ ବାହୁଡା ହେବ ସେହିଦିନ
ରଥ ଚାଲିଯିବ ରଥୀର ଦେଶେ ।
No comments:
Post a Comment